الرئيسية أخبار المرجعية شــور || يالغايب يالغايب … كل وكت نشكيلك|| أداء: مصطفى الغزي|| كلمات: أم مهدي الكربلائي

شــور || يالغايب يالغايب … كل وكت نشكيلك|| أداء: مصطفى الغزي|| كلمات: أم مهدي الكربلائي

|| ذِكــــر: | حسن الهلالي | علي الخيكاني | زين العابدين الكربلائي | محمد العابدي | مسلم علي | هشام العبودي | علي البديري | محمد العايدي | علي الغزالي | حسن الطائي | هشام المشايخي
|| ذِكــــــــر الأشبــال: جعفر الحميداوي | باقر البديري | باقر الفهد | محمود الفهد | مجتبى الديواني | محمد الصرخي | مصطفى البغدادي | احمد الخليفاوي | مهدي الحمزاوي | محمد الشمري | مؤمل البغدادي | محمد احمد | حسين ميثم | محمود الشميلاوي

يالغايب يالغايب … كل وكت نشكيلك
يالغايب يالغايب … كل وكت نشكيلك
…………………………………….
عيني … فجرك يمهدي تنطره اسنين
عيني … والغَيبه طالت يا ضوه العين
عيني … نذرت نذرهه لو تمرُّون
عيني … دربك تفرشه ارموش العيون
ما مهتم… كلمن يضد ويلومني بهاي
بس يفهم… مبدأ قضيتي يبچي وياي

يالمنتظر عمري تمشي سنينه
ما ظل صبر يمته تظهر لينه
يالغايب يالغايب … كل وكت نشكيلك

………………………………….
بينه … ضاگت يمهدي حته الانفاس
بينه … ما ظل صبر من ظلم الارجاس
بينه … عادوا يمهدي طف الحسين
بينه … نَفِّذَوا كل ما يرفض الدين
عدوانك … ذبحوا يمهدي منّه الانصار
شعلوهه… من كل كتر يالمنتظر نار

تركوا ألم … مثل يوم العاشر
ماينِّسي … يابو گلب الصابر
يالغايب يالغايب … كل وكت نشكيلك
………………………………….
عذراً… لو قصِّرَينه سيدي وياك
عذراً … لو نشكي همنه وگلبك أذاك
عذراً … لو ماوفينه وياك العهود
عذراً …. بس گلبك يسامح يموعود
من تِدْعي … نتأملك تذكرها الأسماء
تشملنه … ماعدنه غيرك يبن الزهراء

إنت الأمل گوم وانصر دينك
ولكل جرح بلسم امتانينك
يالغايب يالغايب … كل وكت نشكيلك
………………………………….
حيدر … من شفته رايح تارك البيت
حيدر … وبيا ألم يا مهدي حسيت ؟
حيدر… بمسجد الكوفه صلّى بالناس
حيدر … طبروا الدين بطبرة الراس
ما صايره … بفرض الصلاه طبروا أبو تراب
يا مهدي … بيا حال شفته جدك انصاب ؟

الدين انهدم تهدمت أركانه
الكون اختلف تغيرت ألوانه
يالغايب يالغايب … كل وكت نشكيلك
…………………………………..
عادوا … ارموز الفتن والمارقة اردود
عادوا … بنهج آل أميه والسبي يعود
عادوا … الحاربوا جدك بأحُد وحنين
عادوا… نفس الوجوه بحرب صفّين
ما تظهر … ذَكِّرهم بضربة الكرار
بالخندق عمر ابن ود خلاه طِشَّار

صحنه العجل يابو صالح وينك
من الظلم ندعي ومتانينك
يالغايب يالغايب … كل وكت نشكيلك

انظر أيضاً

|| يرف الوانه || أداء: عباس المسعودي || كلمات: أم حسين الهلالي